Inerisaavimmut, Ilinniartitsinermik ilisimatusarnermut instituttimut, tikilluarit

Ilinniartitsinermik ilisimatusarnermut instituttip salliutillugu siunertaraa atuartut ataasiakkaat Atuarfitsialaap, meeqqat atuarfiata anguniagai – tunngavigalugit ilinniarnerata nukittorsarnissaa meeqqallu inuiaqatigiinni kalaallini, nunarsuarlumilumi tamarmi, inooqataanissaminnut tunuliaqutaqarlualersinnissaat. 

Taamaattumik pingaartuuvoq atuarfeqarfiup ilinniartitsisullumi tamarmiusut inuiaqatigiit ineriartornerata kingunerisaanik tunngaveqartumik piumasaasunik naammassinnissinnaanissaat najukkami pissutsit Namminersornerullutillu Oqartussat anguniakkiutaat tunngavigalugit.

Inerisaaviup tamatumunnga atatillugu ilinniartitsisunut, pædagoginut pisortanullu aammalumi allanut atuartitsinermut immikkoortortami sulialinnut pikkorissarnerit, ilinniaqqinnerit annertunerusumillu ilinniarnissat arlalissuit neqeroorutigai.  

Pikkorissarnerit ilinniarnerillu tamakkua sapinngisamik meeqqat atuarfiata sammisai sammisaqarfiilu tamakkerlugit samminiarsaraat aammalu ilisimatusarneq tunngavigalugu periaasiulersimasut ineriartortittuarnissaat pingaartillugu atuartitsineq pædagogikkilu sunniuteqarluartoq anguniarlugu.

Inerisaaviup siunnersuisorpassui aammalu lektorit professorillu avataaneersut suliassanik tamakkuninnga isumaginnittuupput. 

Ungasinnerusoq eqqarsaatigalugu siunertaavoq inerisaaviup ilisimatusarnikkut immikkoortortaa ilinniarnerit pineqartut iluanni ilisimatusarnissamik pilersitsiniarumaartoq. Massakkorpiaq taakkua tassaapput: Akademisk diplomuddannelsit, Masteruddannelsit aammalu Kandidatuddannelsit.

Linki una maliguk annertunerusumik pikkorissarnerit ilinnianerillu ssiginngitsut annertunerusumik paasisaqarfiginiarlugit 

Nalilersuinermut immikkoortortaq instituttip immikkortuisa ilagaat. Tassani isumagineqartarpoq

Suliffiup iluani nalilersuinermut atortussat ineriartortinneqarnerat aammalu avataaniit alloriarfinnik nukarlernik akullernillu nalilersuinermi atortussanik ineriartortitsineq. Tamatuma saniatigut immikkoortortap suliaraa akuarfimmut ilinniartitsinermullu statistikip, analyse-p, dokumentation-ip informationilu eqqarsaatigalugit database-p annertusarneqarnera

Linki una maliguk Nalilersuinermut immikkoortortap nammineq qupperneri iserfigiumallugit

Pikkorissarnerit ilinniarnerillu aqqutigalugit ilisimasanik annertusaanissamut neqeroorutit saniatigut Inerisaavik aamma ilinniartitsisunut, atuartitsisunut allanut, ilinniartunut aamma pædagogiskimik sulialinnut ressource-center-iuvoq.

Taagorneqartut taakkua siunnersuinikkut, atortussanik ujarlernikkut toqqaanikkullu sullittarpagut aamma  atuartitsinermullu tunngatillugu siunnersortarlugit.  Kiisalu neqeroorutigaagut pikkorissarnerit pædagogiske kursus-eftermiddagsforløb aammalu atorniarnermut pisiniarnermullu tunngatillugu sullissinerit: UV-materialinik tamanik atukkiisarneq aamma AV-udstyr, taamatullu filminik tuniniaaneq, kopeerineq imaluunniit atukkiisarneq.

Linki una maliguk Atorniartarfiup atortussaatai iserfiginiarlugit

Kalaallit atuartitsinermik ingerlatsivii naapiffissaqartikkumallugit Inerisaaviup atuarfinnut/atuartitssinermullu atassuteqaat ATTAT pilersinnikuuvaa.

Linki una maliguk mappersagaq ATTAT pitsaaquterpassuinik periarfissaanillu oqaluttuartoq down-loaderumallugu. Imaluunnit klikeqqigit ATTAT nittartagaat iserfigalugu

Inerisaavik - Ilinniartitsinermik ilisimatusarnermut institut – 2008-mi 1. januar aallartiffigalugu ilisimatusarfimmi instituttinngorpoq. Tamatuma kinguneraa instituttip aaqqissuussaanikkut Ilisimatusarfiup ataaniilernera.

Linki una maliguk pissutsit tamakkua atuarumallugit